مه‌ودا میدیا - 

هاوكات له‌گه‌ڵ به‌رده‌وامیی ئاگربه‌ستی نێوان بزووتنه‌وه‌ی حه‌ماس و ئیسرائیلدا، سه‌رچاوه‌كانی هه‌واڵی سوریا بڵاویانكرده‌وه‌، فرۆكه‌خانه‌ی دیمه‌شق له‌لایه‌ن ئیسرائیله‌وه‌ به‌ مووشه‌ك كراوه‌ته‌ ئامانج.

به‌گوێره‌ی سه‌رچاوه‌كانی هه‌واڵی سوریا، ئێواره‌ی ئه‌مڕۆ یه‌كشه‌ممه‌ ئیسرائیل بۆردوومانی فڕۆكه‌خانه‌ی نێوده‌وڵه‌تیی دیمه‌شقی كردووه‌، به‌و هۆیه‌شه‌وه‌ ئه‌و فرۆكانه‌ی كه‌ به‌ ئاراسته‌ی فرۆكه‌خانه‌ی نێوده‌وڵه‌تیی دیمه‌شق هاتوون، ئاراسته‌كه‌یان به‌ره‌و فڕۆكه‌خانه‌كانی هه‌ردوو شاری لازقیه‌ و حه‌له‌ب گۆڕیوه‌، كه‌ دوو شاری سورین.

ئه‌وه‌ش له‌كاتێكدایه‌، كه‌ فڕۆكه‌خانه‌ی دیمه‌شقی نێوده‌وڵه‌تی له‌ سوریا ماوه‌ی یه‌ك رۆژه‌ كه‌وتووه‌ته‌كار، پاش ئه‌وه‌ی كه‌ ماوه‌ی مانگێك بوو له‌كاركه‌وتبوو.