عیراقی
سودانی ئه‌مه‌ریكا له پاراستنی به‌رژه‌وه‌ندییه‌كانی دڵنیا ده‌كاته‌وه
مەودا میدیا - سلێمانی |
مه‌ودا میدیا -
به‌گوێره‌ی راگه‌یه‌ندراوی نوسینگه‌ی رۆژنامه‌وانیی سه‌رۆك وه‌زیرانی عیراق، ئه‌مڕۆ شه‌ممه، محه‌مه‌د شیاع سودانی، سه‌رۆك وه‌زیرانی عیراق وه‌ڵامی په‌یوه‌ندی ته‌له‌فۆنیی ئه‌نتۆنی بلنكن، وه‌زیری ده‌ره‌وه‌ی ئه‌مه‌ریكای داوه‌ته‌وه، سه‌باره‌ت به پاراستنی به‌رژه‌وه‌ندییه‌كانی ئه‌مه‌ریكا و هاوپه‌یمانان له عیراقدا.
له راگه‌یه‌ندراوه‌كه‌دا روونكراوه‌ته‌وه كه محه‌مه‌د شیاع سودانی، سه‌رۆك وه‌زیرانی عیراق ئه‌مه‌ریكای دڵنیا كردووه‌ته‌وه له‌وه‌ی كه عیراق به‌هیچ شێوه‌یه‌ك رێگه‌نادات له‌سه‌ر خاكه‌كه‌یه‌وه ده‌ستدرێژیی بكرێته سه‌ر بنكه و باره‌گا سه‌ربازییه‌كانی ئه‌مه‌ریكا و هه‌وڵی ته‌واوده‌دات بۆ پاراستنی راوێژكارانی سه‌ر به هاوپه‌یمانی نێوده‌وڵه‌تیی له عیراقدا.
به‌گوێره‌ی راگه‌یه‌ندراوێكی وه‌زاره‌تی ده‌ره‌وه‌ی ئه‌مه‌ریكا، ئەنتۆنی بلینکن، وەزیری دەرەوەی ئەمەریکا په‌یامێكی ئاراسته‌ی محه‌مه‌د شیاع سودانی، سه‌رۆك وه‌زیرانی عیراق كردووه و تیادا داوای پاراستنی ئه‌مه‌ریكییه‌كانی له عیراق كردووه.
ئه‌وه‌ش له‌كاتێكدایه كه شه‌ڕ و پێكدادانی نێوان چه‌كدارانی بزووتنه‌وه‌ی حه‌ماس و سوپای ئیسرائیل دوای ئاگربه‌ست ده‌ستێپێكردووه‌ته‌وه و واشنتۆن ترسی به‌ئامانجكردنی به‌رژه‌وه‌ندییه‌كانی ئه‌مه‌ریكای هه‌یه له‌لایه‌ن گرووپه چه‌كداره‌كانه‌وه.
پێشتر وه‌زاره‌تی به‌رگریی ئه‌مه‌ریكا بڵاویكرده‌وه، له ماوه‌ی زیاتر له مانگێكدا 64 جار بنكه سه‌ربازییه‌كانی ئه‌مه‌ریكا له عیراق و سوریا له‌لایه‌ن گرووپه چه‌كداره‌كانه‌وه به فرۆكه‌ی بێفڕۆكه‌وان كراونه‌ته ئامانج.
به‌گوێره‌ی راگه‌یه‌ندراوی نوسینگه‌ی رۆژنامه‌وانیی سه‌رۆك وه‌زیرانی عیراق، ئه‌مڕۆ شه‌ممه، محه‌مه‌د شیاع سودانی، سه‌رۆك وه‌زیرانی عیراق وه‌ڵامی په‌یوه‌ندی ته‌له‌فۆنیی ئه‌نتۆنی بلنكن، وه‌زیری ده‌ره‌وه‌ی ئه‌مه‌ریكای داوه‌ته‌وه، سه‌باره‌ت به پاراستنی به‌رژه‌وه‌ندییه‌كانی ئه‌مه‌ریكا و هاوپه‌یمانان له عیراقدا.
له راگه‌یه‌ندراوه‌كه‌دا روونكراوه‌ته‌وه كه محه‌مه‌د شیاع سودانی، سه‌رۆك وه‌زیرانی عیراق ئه‌مه‌ریكای دڵنیا كردووه‌ته‌وه له‌وه‌ی كه عیراق به‌هیچ شێوه‌یه‌ك رێگه‌نادات له‌سه‌ر خاكه‌كه‌یه‌وه ده‌ستدرێژیی بكرێته سه‌ر بنكه و باره‌گا سه‌ربازییه‌كانی ئه‌مه‌ریكا و هه‌وڵی ته‌واوده‌دات بۆ پاراستنی راوێژكارانی سه‌ر به هاوپه‌یمانی نێوده‌وڵه‌تیی له عیراقدا.
به‌گوێره‌ی راگه‌یه‌ندراوێكی وه‌زاره‌تی ده‌ره‌وه‌ی ئه‌مه‌ریكا، ئەنتۆنی بلینکن، وەزیری دەرەوەی ئەمەریکا په‌یامێكی ئاراسته‌ی محه‌مه‌د شیاع سودانی، سه‌رۆك وه‌زیرانی عیراق كردووه و تیادا داوای پاراستنی ئه‌مه‌ریكییه‌كانی له عیراق كردووه.
ئه‌وه‌ش له‌كاتێكدایه كه شه‌ڕ و پێكدادانی نێوان چه‌كدارانی بزووتنه‌وه‌ی حه‌ماس و سوپای ئیسرائیل دوای ئاگربه‌ست ده‌ستێپێكردووه‌ته‌وه و واشنتۆن ترسی به‌ئامانجكردنی به‌رژه‌وه‌ندییه‌كانی ئه‌مه‌ریكای هه‌یه له‌لایه‌ن گرووپه چه‌كداره‌كانه‌وه.
پێشتر وه‌زاره‌تی به‌رگریی ئه‌مه‌ریكا بڵاویكرده‌وه، له ماوه‌ی زیاتر له مانگێكدا 64 جار بنكه سه‌ربازییه‌كانی ئه‌مه‌ریكا له عیراق و سوریا له‌لایه‌ن گرووپه چه‌كداره‌كانه‌وه به فرۆكه‌ی بێفڕۆكه‌وان كراونه‌ته ئامانج.
بیروڕا
