مه‌ودا میدیا - 

 حكومه‌تی عیراق، ئه‌مرۆ شه‌ممه‌ رایگه‌یاند، حكومه‌تی عیراق ناتوانێت و ناكرێت هه‌موو ده‌رچووانی زانكۆ و په‌یمانگاكان دابمه‌زرێنێت، به‌ڵكو پشتیوانیی له‌ كه‌رتی تایبه‌ت ده‌كات.

محه‌مه‌د شیاع سودانی، سه‌رۆك وه‌زیرانی عیراق، ئه‌مڕۆ شه‌ممه‌ له‌ وتاری كردنه‌وه‌ی كۆنگره‌ی وه‌به‌رهێنانی - پیشه‌سازیی له‌ به‌سره‌ له‌ باشووری عیراق سه‌باره‌ت به‌ كه‌رتی حكومیی و تایبه‌ت و وه‌به‌رهێنانی ناوخۆ و بازرگانیی قسه‌ی كرد. 

سه‌رۆك وه‌زیرانی عیراق ته‌ئكیدی له‌وه‌كرده‌وه‌ كه‌ نایانه‌وێت عیراق ته‌نها ده‌وڵه‌تێكی به‌كاربه‌ر بێت و هه‌موو ده‌رچووانی زانكۆ و په‌یمانگاكان دابمه‌زرێنێت، به‌پێچه‌وانه‌وه‌ كار ده‌كات بۆ به‌هێزكردنی كه‌رتی تایبه‌ت و هه‌ل و په‌ره‌دان به‌به‌رهه‌می ناوخۆیی.