مه‌ودا میدیا - 

محه‌مه‌د نوری، ئه‌ندامی لیژنه‌ی دارایی له‌ په‌رله‌مانی عیراق چه‌ندین نهێنیی سه‌باره‌ت به‌ دۆخی ئابووری و دارایی عیراق ئاشكراكرد، له‌وانه‌ش دیارنه‌مانی 35 ترلیۆن دینار.

به‌وته‌ی ئه‌و په‌رله‌مانتاره‌، عیراق له‌ژێر كۆنترۆڵ ده‌رچووه‌ و سنووره‌كانی له‌ژێر چاودێرییدا نین و بوونه‌ته‌ شوێنی هێنانی ماده‌ی هۆشبه‌ر ومۆبایل و چه‌ندین بابه‌تی تر.

محه‌مه‌د نوری ده‌ڵێت: حزبایه‌تی باڵی گرتووه‌ به‌سه‌ر بانكی فیدراڵییدا و زیانی زۆری پێگه‌یاندووه‌ و ده‌بێت كه‌سانی سه‌ربه‌خۆ شوێنیان بگرێته‌وه‌.

به‌وته‌ی ئه‌و په‌رله‌مانتاره‌، عیراق له‌ژێر هه‌ژموونی ئه‌مه‌ریكادایه‌ له‌رووی ئابوورییه‌وه‌ و ده‌ڵێت: هه‌ر كه‌س پێیوابێت عیراق له‌رووی ئابووریه‌وه‌ سه‌ربه‌خۆیه‌، خه‌و ده‌بینێت.