مەودا میدیا-

دوای ئەوەی بەرەبەیانی ئەمڕۆ هەینی 8ی کانونی یەکەمی 2023 هێرشی مووشەکی کرایە سەر باڵیۆزخانەی ئەمەریکا لە بەغدا وته‌بێژی باڵیۆزخانه‌کە راگەیەندراوێکی بڵاوکردەوە.

وتەبێژی باڵیۆزخانه‌ی ئه‌مه‌ریكا له‌ به‌غدا رایگەیاند "هێرشه‌كه‌ هیچ زیانێكی گیانی نه‌بووه‌ و داوا له‌ حكومه‌تی عیراقیش ده‌كەین نێرده‌ دیپلۆماسییه‌كان و هێزه‌كانی هاوپه‌یمانی نێوده‌وڵه‌تی دژ به‌ داعش بپارێزێت".

ئاماژەی بەوەشکرد "جارێکی دیکە داوا لە حکومەتی عیراق دەکەین، ئەوەی لە توانایدایە بۆ پاراستنی تیم و نێرده‌ دیپلۆماسییەکان بكات، دووپاتیده‌کەینەوە مافی خۆمانه‌ هه‌موو رێگه‌یه‌ك بۆ پاراستنیان لە هەر شوێنێکی جیهاندابێت بگرنه‌به‌ر".

 بەرەبەیانی ئەمڕۆ چەند مووشەکێک لەنزیکی باڵیۆزخانەی ئەمه‌ریکا لەناوچەی سەوزی بەغدا کەوتوونەتە خوارەوە، لەدوای ئاراستەکردنی مووشەکەکان، زەنگی ئاگادارکردنەوەی لە دەوروبەری باڵیۆزخانەی ئەمه‌ریکا و ناو باڵیۆزخانەکە لێدرا.

س.ر