مه‌ودا میدیا - 

کۆمسیۆنی باڵای سه‌ربه‌خۆی هەڵبژاردنەکانی عێراق به‌مه‌به‌ستی راپه‌ڕاندنی كاره‌كانی هه‌ڵبژاردنی ئه‌نجومه‌نی پارێزگاكانی عیراق، داوای هه‌فته‌یه‌ك پشوو له‌ خوێندنگاكاندا ده‌كات. 

به‌گوێره‌ی لێدوانی جومانە گلای، وتەبێژی کۆمسیۆنی باڵای سەربەخۆیی هەڵبژاردنەکانی عیراق، كۆمسیۆن پێویستی بە هەفتەیه‌ك پشوو له‌ خوێندنگاكاندا ده‌بێت، به‌مه‌به‌ستی ئاماده‌كردنی بنكه‌كانیان كه‌ ده‌كه‌ونه‌ ناو خوێندنگاكانه‌وه‌ بۆ ئه‌و مه‌به‌سته‌ش داوای ره‌زامه‌ندییان له‌ ئه‌نجومه‌نی وه‌زیرانی عیراق كردووه‌. 

بڕیاره‌ رۆژی 18ی ئه‌م مانگه‌ هه‌ڵبژاردنی ئه‌نجومه‌نی پارێزگاكانی عیراق به‌رێوه‌بچێت، جگه‌ له‌ هه‌رێمی كوردستان.