مه‌ودا میدیا - 

به‌گوێره‌ی راگه‌یه‌ندراوێك كه‌ ده‌زگای دژه‌تیرۆری عیراق بڵاویكردووه‌ته‌وه‌، ئه‌مڕۆ سێشه‌ممه‌ ئه‌و ده‌زگایه‌ چوار تیرۆرستی له‌ شاره‌كانی سلێمانی و پارێزگای نه‌ینه‌وا ده‌ستگیركردووه‌. 

له‌ راگه‌یه‌ندراوه‌كه‌دا روونكراوته‌وه‌، له‌چوارچێوه‌ی ئۆپه‌راسیۆنێكی ورد و به‌هێزدا و به‌هاوبه‌شی ئۆپه‌راسیۆنه‌كانی ئاسایشی هه‌رێمی كوردستان، توانیویه‌تی دوو تیرۆرست له‌ پارێزگای سلێمانی ده‌ستگیربكات. 

ئاماژه‌ی به‌وه‌شكردووه‌، هه‌ر هه‌مان هێزی ئه‌منیی له‌چوارچێوه‌ی ئۆپه‌راسیۆنێكدا توانیویه‌تی دوو تیرۆرست له‌ پارێزگای نه‌ینه‌وا ده‌ستگیربكات، كه‌ ئامانج لێی پاراستنی سه‌روه‌ریی نیشتمانیی و سه‌قامگیرییه‌ بۆ گه‌لی عیراق.