مه‌ودا میدیا - 

چه‌ند كاتژمێرێك دوای هێرشی درۆنیی سه‌ر فرۆكه‌خانه‌ی نێوده‌وڵه‌تیی هه‌ولێر، فه‌رمانده‌یی گشتیی هێزه‌ چه‌كداره‌كانی عیراق ئیدانه‌ی ده‌كات و ته‌ئكیدی له‌سه‌ر كاركردن بۆ نه‌هێشتنی گرووچه‌ چه‌كداره‌ نایاساییه‌كان ده‌كاته‌وه‌. 

لیوا یەحیا رەسول، وتەبێژی فەرماندەیی گشتیی هێزە چەکدارەکانی عیراق له‌ راگه‌یه‌ندراوێكدا ده‌ڵێت: حكومه‌تی به‌غدا كار ده‌كات بۆ به‌ره‌نگاربوونه‌وه‌ی ئه‌و گرووپانه‌ ده‌كات كه‌ ئاسایش و ئارامیی عیراق ده‌خه‌نه‌ مه‌ترسییه‌وه‌ و هاوكات عیراق كار له‌سه‌ر به‌هێزكردنی هێزه‌كانی ده‌كات، له‌به‌رئه‌وه‌ی گرووچه‌ چه‌كداره‌كان ئه‌و بنكانه‌ ده‌كه‌نه‌ ئامانج كه‌ راهێنه‌ری نێوده‌وڵه‌تیی تێدایه‌.

وته‌بێژی فه‌رمانده‌یی گشتیی هێزه‌ چه‌كداره‌كانی عیراق ته‌ئكیدی له‌وه‌كردووه‌ كه‌ هێرشی سه‌ر فرۆكه‌خانه‌ی هه‌ولێر تیرۆرستییه‌، چونكه‌ به‌رژه‌وه‌ندییه‌كانی عیراق و په‌یوه‌ندییه‌ نێوده‌وڵه‌تییه‌كانی كردووه‌ته‌ ئامانج.