ئابووری
تا ئێستا لیستى مووچه ره‌وانه‌ى به‌غدا نه‌كراوه
مەودا میدیا - سلێمانی |
مه‌ودا میدیا-
هه‌رچه‌نده بڕیاربوو دوێنێ یه‌كشه‌ممه، لیستى مووچه‌ى وه‌زاره‌ته‌كانى حكومه‌تى هه‌رێمى كوردستان ره‌وانه‌ى به‌غدا بكرێت به‌ڵام تا ئێستا نه‌كراوه.
به‌پێى ئه‌و زانیارییانه‌ى كه به مه‌ودا میدیا دراون "تائێستا ته‌واوى وه‌زاره‌ته‌كان و فه‌رمانگه په‌یوه‌ندیداره‌كان لیستى مووچه‌یان ئاماده‌نه‌كردووه به‌و جۆره‌ى به‌غدا داواى كردبوو، بۆیه لیسته‌كه ره‌وانه‌ى به‌غدا نه‌كراوه".
هه‌ر به‌پێى زانیارییه‌كان له كۆى زیاتر له 20 وه‌زاره‌ت، ته‌نها چه‌ند وه‌زاره‌ت و ده‌سته‌یه‌ك لیسته‌كه‌یان ئاماده‌كردووه، به‌ڵام وه‌زاره‌تى دارایی حكومه‌تى هه‌رێمى كوردستان ئاماده نییه ره‌وانه‌ى بكات تا هه‌مووى ئاماده‌ده‌كرێت".
دواخستنى نه‌ناردنى لیستى مووچه بۆ به‌غدا به‌هۆیه‌وه ناردنى پاره و دابه‌شكردنى مووچه‌ى فه‌رمانبه‌رانى هه‌رێمى كوردستان دواده‌خات.
هه‌ر یه‌كه له وه‌زاره‌ته‌كانى "سامانه‌سروشتییه‌كان، وه‌زاره‌تى كارو كاروبارى كۆمه‌ڵایه‌تى، وه‌زاره‌تى رۆشنبیرى و لاوان، وه‌زاره‌تى كاروبارى ئه‌نفالكراون، وه‌زاره‌تى ئه‌وقاف و وه‌زاره‌تى كاره‌با لیسته‌كه‌یان ئاماده‌كردووه".
هه‌روه‌ها ده‌سته‌ى گشتى ناوچه كوردستانییه‌كانى ده‌ره‌وه‌ى هه‌رێم، ده‌سته‌ى مافى مرۆڤ، ده‌سته‌ى وه‌به‌رهێنان، ده‌سته‌ى ده‌ستپاكى، كۆمسیۆنى هه‌ڵبژاردن و ئه‌نجومه‌نى وه‌زیران لیسته‌كه‌یان ئاماده‌كردووه".
ع،ه
بیروڕا
