مه‌ودا میدیا-

ئه‌مڕۆ شه‌ممه‌ 9ى ئازارى 2024، سێنتکۆم رایگەیاند، بەرەبەیانى ئەمڕۆ بەرپەرچى هێرشێکى بەرفراوانى حوسییەکان لە دەریاى سوور دراوه‌ته‌وه‌  و 15 درۆنیان خستووەتە خوارەوە.

فەرماندەیى ناوەندى هێزەکانى ئەمریکا (سێنتکۆم) له‌ راگه‌یه‌ندراوێكدا ئاشكراى كردووه‌، بەرەبەیانى ئەمڕۆ حوسییەکان هێرشێکى بەرفراوانیان بە درۆن بۆ سەر کەشتییەکانى دەریاى سوور ئەنجامداوە.

راشیگه‌یاندووه‌، ئەمریکا بە هاوکاریى هاوپەیمانەکانى بەرپەرچى هێرشى حوسییەکانى داوەتەوە و هێرشەکانى تێکشکاندووە.

روونیشیكردووه‌ته‌وه‌، لەناوچەکانى حوسییەکان لە یەمەن سەکۆیەکى هەڵدانى مووشەکى دژە کەشتى لەلایەن ئەمریکاوە بەئامانجگیراوە و تێکشکێنراوون.

پ ح ع