مه‌ودا میدیا-

نرخى مریشك به‌راورد به‌ هه‌فته‌ى رابردوو هه‌رزانبووه‌ و پێشبینى ده‌كرێت بۆ مانگى ره‌مه‌زان جارێكى تر نرخه‌كه‌ى به‌رزبێته‌وه‌.

به‌رهه‌م سه‌دار، مریشكفرۆش له‌ سلێمانى به‌ مه‌ودا میدیاى راگه‌یاند "نرخى مریشك هه‌رزانبووه‌ و ئه‌مڕۆ یه‌ك كیلۆ به‌ 3600 دیناربوو، له‌كاتێكدا هه‌فته‌ى رابردوو بۆ سه‌رو چوار هه‌زار دینار به‌رزبووه‌وه‌".

باسى له‌وه‌شكرد "پێشبینى ده‌كرێت بۆ مانگى ره‌مه‌زان نرخه‌كه‌ى به‌رزبێته‌وه‌، چونكه‌ خواستى زۆرى له‌سه‌ر ده‌بێت و ئه‌گه‌ر كێڵگه‌كانیش به‌رهه‌مى كه‌میان تێدابێت ئه‌وه‌ خستنه‌ڕوو كه‌متر ده‌بێت".

له‌ دوو مانگى رابردوو، نرخى مریشك به‌شێوه‌یه‌كى به‌رچاو دابه‌زى و یه‌ك كیلۆ به‌ 2250 دیناربوو، خاوه‌ن كێڵگه‌كانیش ده‌یانوت ئه‌و دابه‌زینه‌ زیانى زۆرى لێداون.

ع،ه