مه‌ودا میدیا-


سه‌رۆكى یه‌كێتى هاورده‌ و ناردنكارانى كوردستان رایگه‌یاند، بۆ مانگى ره‌مه‌زان خۆراك و پێویستى زۆر هاورده‌كراوه‌ و بازاڕ پڕ له‌ خۆراك كراوه‌.

شێخ مسته‌فا شێخ عه‌بدولڕه‌حمان، سه‌رۆكى كۆمه‌ڵه‌ى هاورده‌ و ناردنكارانى كوردستان به‌ مه‌ودا میدیاى راگه‌یاند "بۆ مانگى ره‌مه‌زان خۆراكێكى زۆر هاورده‌كراوه‌ و بازاڕه‌كان پڕ له‌خۆراك كراون بۆ ئه‌وه‌ى هیچ كه‌میه‌تییه‌ك روونه‌دات".

باسى له‌وه‌شكرد "له‌ مانگى ره‌مه‌زان خواست له‌سه‌ر هه‌موو جۆره‌ خۆراكێك زۆر ده‌بێت، به‌هۆى ئه‌وه‌وه‌ بازاڕ پڕ له‌ خۆراك كراوه‌ و كۆگاكانیش پڕن له‌ خۆراك".

وتیشى "له‌ مانگى ره‌مه‌زاندا زۆرترین خواست له‌سه‌ر برنج و شیرینى هه‌یه‌، ئه‌و دوو خۆراكه‌ به‌شێوه‌یه‌كى زیاتر هاورده‌كراون".

ع،ه