مه‌ودا میدیا-

ئه‌مڕۆ شه‌ممه‌ 16ى ئازارى 2024، نرخى یەک بەرمیل نەوتی خاوی برێنت بە 85  دۆلار و 34 سەنت مامەڵەی پێوەدەکرێت، و بۆ هه‌ر بەرمیلێک نەوتی خاوی تەکساسیش بە 81 دۆلار و چوار سەنت مامەڵەی پێوەدەکرێت..


ئه‌مه‌ له‌ كاتێكدایه‌، بەپێی پێنوێنی بازاڕی جیهانی نەوت، نەوتی خاوی تەکساس بەراورد بە دوێنی نرخەکەی بە رێژەی 0.22٪ دابەزینی بەخۆیەوە بینیوه‌، هه‌روه‌ها شەوی 14ى ئازار نرخی نەوت بەڕێژەی 1.52٪ بەرزبوونەوەی بەخۆیەوە بینی و بەرمیلێک نەوتی خاوی برێنت بە 85 دۆلار و 30 سەنت مامەڵەی پێوەکرا .

چاودێرانی ئابووری عیراق، هۆكارى بەرزبوونەوەی نرخی نەوت دەگەڕێننەوە بۆ کەمبوونەوەی نەوتی خاو لە کۆگاکانی ئەمریکادا و زۆربوونی خواستی جیهانی لەسەر نەوتی خاو، له‌گه‌ڵ ئه‌وه‌شدا فراوانبوونی گرژی و ئاڵۆزییە هەرێمییەکانی رۆژهەڵاتی ناوەڕاستیش به‌ هۆكارێكى ترى ده‌زانن.


پ ح ع