مەودا میدیا-
پاش ماوەیەك دابەزین، ئەمڕۆ جارێكی تر نرخی نەوت بەرزبوەوە، ئەوەش بەهۆی دابەزینی نرخی نەوتی خاو و بەنزین لە ئەمریكا و مانەوەی رێژەی سوود بە بەرزیی. 

نرخی نەوتی خاوی برێنت 56 سەنت بەرزبووەوە و گەیشتە 86.51 دۆلار، هەروەها نەوتی خاوی رۆژئاوای تەكساسی ئەمریكا بە رێژەی 0.5% كە دەكاتە 45 سەنت بەرزبووەتەوە و گەیشتووەتە 81.78 دۆلار بۆ هەر بەرمیلێك.

لە لایەكی تریشەوە بەهۆی بەرزبوونەوەی هەناردەكردن و بەردەوامبوونی پاڵاوگەكان لە زیادكردنی چالاكییەكانیان، كۆگاكان دابەزینیان بەخۆوە بینی، ئەوەش گوزارشتە لە خواستێكی بەهێز بۆ سوتەمەنیی. 
 
هاوكات دوێنێ چوارشەممە بانكی ناوەندیی ئەمریكا رێژەی سوودی لە نێوان 5.25 بۆ 5.50% جێگیر كرد، بەپێی وتەی ئابوریناسان، مانەوەی رێژەكان بۆ ماوەیەكی درێژتر بە بەرزیی رەنگە بە مانای دابەزینی گەشەی ئابوریی بێت.  

ئ پ