مه‌ودا میدیا-

قائیمقامیه‌تى سلێمانى بڵاویكرده‌وه‌، له‌ ماوه‌ى 15ى رۆژى مانگى ره‌مه‌زان لیژنه‌كانیان له‌ناو بازاڕ ده‌ستیان به‌سه‌ر نزیكه‌ى 14ته‌ن خۆراكى ماوه‌ به‌سه‌رچوو گرتووه‌.

قائیمقامیه‌تى سلێمانى بڵاویكرده‌وه‌ " له‌ ماوه‌ى 15 رۆژی ‌مانگی ره‌مه‌زانی پیرۆزدا، لیژنه‌ هاوبه‌شه‌كان ده‌ستیا به‌سه‌ر نزیكه‌ى 14 كیلۆگرام خواردن و خواردنه‌وه‌ و كاڵاوشمه‌كی دیكه‌ی خراپ و ماوه‌به‌سه‌رچودا گرتوه‌ و به‌فه‌رمانی قائمقام له‌ناوچه‌ی ده‌ره‌وه‌ی نیشته‌جێبون له‌ناوبراون‌‌".

باس له‌وه‌شكراوه‌ " ئه‌و خۆراك و ماده‌ به‌سه‌رچوانه‌‌ له‌ خوارده‌مه‌نی مناڵ بسكیت، جه‌لی بۆن، كێك، شه‌ربه‌ت و پاككه‌ره‌وه‌كانی زاهی، سابون، كلێنس و كلێنسی ته‌ڕ، هه‌ویری ددان شۆردن و موكه‌یه‌ف، له‌گه‌ڵ دۆشاوی ته‌ماته‌، ماست، شه‌ربه‌ت، خورما، شیرینی،  نه‌سته‌له‌، ئاوی له‌ده‌به‌ نراو، په‌تاته‌ و خوارده‌مه‌نییه‌ وشكه‌كان، له‌گه‌ڵ چه‌ندین خۆراك و ماده‌ی دیكه‌ی خراپ و ماوه‌ به‌سه‌رچو پێكهاتون‌".

لەکاتی هەبونی گومان یان بۆ گەیاندنی سکاڵا و زانیاری بەقائیمقامیەتی سلێمانی و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.

ع،ه