بەگوێرەی رۆژمێری حكومەتی هەرێمی كوردستان كە پشووەكانی تیادا دیاریكراوە، مانگی داهاتوو لە هەرێمی كوردستان حەوت رۆژ دەبێتە پشووی رەسمیی. 

لە رۆژمێرەكەدا رۆژی یەكی نیسان بە بۆنەی سەری ساڵی ئاشوورییەكان و رۆژی نۆی نیسانیش بە بۆنەی رۆژی رووخانی رژێمی بەعس و ئازادكردنی عێراق لەسەرجەم دامودەزگاكان بە پشووی رەسمیی دیاریكراوە.  

هەر لە رۆژمێری حكومەتی هەرێمی كوردستان بۆ ئەمساڵ رۆژانی 9، 10، 11 و 12ی نیسان، بەبۆنەی جەژنی رەمەزانەوە كراوە بە پشووی رەسمیی. 

جگە لەو پشووانەش رۆژی 17ی نیسان بەبۆنەی جەژنی سووری ئێزدییەكان، لەسەرجەم دامودەزگاكانی حكومەتی هەرێمی كوردستان پشووی رەسمیی دەبێت و بەوەش كۆی رۆژانی پشوو لە مانگی چواردا دەبێتە حەوت رۆژ.
ئ پ