مەودا میدیا-
بەپێی ئەو گرێبەستەی كە لە ساڵی 2017 لەنێوان عیراق و ئێران ئیمزا كراوە، بۆ ماوەی پێنج ساڵی داهاتوو عیراق بەردەوام دەبێت لە كڕینی غاز لە ئێران و هاوردەكردنیشی زیاتر دەكرێت.

مەجید جاكنی، جێگری وەزیری نەوتی ئێران بۆ كاروباری غاز ررایگەیاندووە، لەگەڵ تەواوبوونی گرێبەستی بەغدا و بەسرە، چەند خولێكی دانوستانمان لەگەڵ لایەنی عیراقی لە تاران و بەغدا بۆ فراوانكردنی هەناردەكردنی غازی ئێران بۆ عیراق ئەنجامدا. 

ئاماژەی بەوەشكردووە، لە سەرەتای ئەو دوو گرێبەستەی كە لە بەغدا لە تەمموزی 2017 و بەسرە لە حوزەیرانی 2018 ئیمزا كراون، نزیكەی 52 ملیار مەتر سێجا غازمان بە بەهای 15 ملیار دۆلار بۆ عێراق هەناردە كردوە. 
ئ پ