مه‌ودا میدیا-

به‌پێى راگه‌یه‌ندراوێكى نوسینگەی سەرۆک وەزیرانی عیراق، بڕى 100  هەزار دینار بۆسەر مووچەی هه‌ر مامۆستایه‌ك زیاد ده‌كرێت، كه‌ مامۆستایانی خانەنشینیش دەگرێتەوە.

ئه‌مڕۆ شه‌ممه‌ 30ى ئازارى 2024، نوسینگەی سەرۆک وەزیرانی عیراق له‌ راگەیاندراوێکدا ئاشكراى كردووه‌، رێکارەکانی زیادکردنی مووچەی مامۆستایان لەسەر راسپاردەی محەمەد شیاع سوودانی، سەرۆک وەزیرانی عیراق  دەستیپێکردووە.

راشیگه‌یاندووه‌، بڕی 100 هەزار دینار بۆسەر مووچەکەی هەر مامۆستایەک  زیاد دەکرێت، له‌ به‌رانبه‌ر سوپاس و پێزانینی حکومەت بۆ هەوڵەکانیان کە بەردەوامن لە فێرکردن و پێگەیاندنی پڕۆسەی پەروەردە.

ئه‌وه‌شى خستووه‌ته‌ڕوو، سوودانی پێی راگەیاندوون پێویستە ئاسانکاری تەواویان بۆ بکرێت لە سەرجەم مامەڵەکانیاندا، چونکە مامۆستایان شایەنی زیاترن .

له‌ راگه‌یه‌ندراوه‌كه‌دا ئه‌وه‌ش هاتووه‌، ئەو بڕیارە بە مەبەستی گونجاندنی ژیان و بارودۆخی ئابووری مامۆستایانە لەگەڵ دۆخی ئابووری ناوخۆی وڵاتدا و سەرجەم مامۆستایانی وەزارەتی پەروەردە دەگرێتەوە لەگەڵ خانەنشینانی ئەو وەزارەتەش.


پ ح ع