مه‌ودا میدیا-


وەزارەتی نەوتی عیراق بڵاویكرده‌وه‌، تا كۆتایی هه‌فته‌ى رابردوو، 50 ملیۆن لیتر نەوتی سپی بۆ هەرێمی کوردستانی ناردووە و بەسەر پارێزگاکانی هەرێمی کوردستان دابەشکراون.

به‌پێى داتاكه‌ى وه‌زاره‌تى نه‌وتى عیراق " لە پارێزگای هەولێر، زیاتر لە 15 ملیۆن لیتر نەوتی سپی دابەشکراوه‌، لە سلێمانی و هەڵەبجە، زیاتر لە 26 ملیۆن لیتر، لە دهۆک، نزیکەی هەشت ملیۆن لیتر نەوتی سپی دابەشکراوه‌ به‌سه‌ر هاوڵاتییان".

هه‌روه‌ها "به‌ تێكڕا نزیکەی 362 هەزار خێزان لە وەرگرتنی نەوتی سپی سوودمەند بوون، لە هەولێر زیاتر لە 153 هەزار خێزان، سلێمانی و هەڵەبجە زیاتر لە 130 هەزار خێزان، دهۆک نزیکەی 78 هەزار خێزان سوودمەند بوون".

ئه‌و نه‌وته‌ى به‌غدا نرخه‌كه‌ى 50 هه‌زار دیناره‌ بۆ یه‌ك به‌رمیل، به‌ڵام حكومه‌تى هه‌رێمى كوردستان به‌ 60 هه‌زار دینار ده‌یفرۆشێته‌وه‌ به‌ هاوڵاتییان.

ع،ه