مەودا میدیا-
بەهۆی ئەو سكاڵایەی كە لەسەر سەرۆكی هەرێم و سەرۆكی حكومەت و وەزیری ناوخۆی هەرێم لە دادگای باڵای فیدراڵیی عیراق تۆماریكردووە، رێگریی لە گەڕانەوەی وەزیری كۆچ و كۆچبەرانی عیراق بۆ هەولێر دەكرێت. 

ئیڤان فایەق، وەزیری كۆچ و كۆچبەرانی عێراق رایگەیاند "ماوەی چەند مانگێكە رێگرییم لێدەكرێت بێمەوە ناو هەولێر بەهۆی ئەوەی لە دادگای فیدراڵی سكاڵام دژژی هەندێك لە بەرپرسانی حكومەتی هەرێم تۆمار كردووە" 

وتیشی " هەرچەندە رێگرییم لێدەكرێت، بەڵام ئەوە ساردم ناكاتەوە و سكاڵاكەم دژی سەرۆكی حكومەت و سەرۆكی هەرێم و وەزیری ناوخۆ ناكشێنمەوە" 

ئیڤان فایق، سیاسەتمەداری كلدانی عیراقییە، لە ساڵی 1981 لە بەسرە لەدایكبووە، لە 6 ی حوزەیرانی 2020دا بووە بە وەزیری كۆچ و كۆچبەرانی عیراق و تا ئێستاش لە پۆستەكەیدا ماوەتەوە. 
ئ.پ