مه‌ودا میدیا-

راوێژکاری ئابووری سەرۆکی حکومەتی عیراق رایدەگەیەنێت، لە سەردانەکەی رەجەب تەیب ئەردۆغان، سەرۆک کۆماری تورکیا بۆ عیراق، پرسی ئاو یەکێک دەبێت لە پرسە گرنگەکان گفتوگۆی لەبارەوە دەکرێت.

مەزهەر محەمەد، راوێژکاری ئابووری سەرۆکی حکومەتی عیراق بە مەودا میدیای راگەیاند "لە سەردانەکەی ئەردۆغان، پرسی هاوبەشيی لە پڕۆژەی رێگای گەشەپێدانی ستراتیژی گفتوگۆ دەکرێت".

هەروەها وتی"بەرژەوەندی هاوبەش زۆر کێشە چارەسەر دەکات، لەوانە پشکی عیراق لە ئاوەکانی دیجلە و فورات، هاوبەشی لە رێگەی وەبەرهێنان لە پڕۆژەی رێگای گەشەپێدانی ستراتیژی، جگە لە پرسی ئاو".

بڕیارە سبەینێ دووشەممە، رەجەب تەیب ئەردۆغان، سەرۆک کۆماری تورکیا سەردانی عیراق بکات و لەگەڵ د. لەتیف رەشید، سەرۆک کۆماری عیراق و محەمەد سودانی، سەرۆکی حکومەتی عیراق کۆببێتەوەو بڕیاریشە سەردانی هەرێمی کوردستان بکات و لەگەڵ بەرپرسانی حکومی کۆببێتەوە.

ع،ه