مه‌ودا میدیا-

ئەمڕۆ پێنجشەممە، لیژنەی باڵای دیاریکردنی نرخی کارەباى کۆمەڵگاکانى نیشتەجێبوون، ستییەکان، نرخی کیلۆواتی کارەبای موەلیدەی بۆ مانگی نیسان دیاریکرد.

به‌ڕێوه‌به‌رایه‌تى گشتى كاره‌باى سلێمانى بڵاویكرده‌وه‌ "بەگوێرەی نرخی گازوایل لەبازاڕ و ئەو توێژینەوەیەی بۆ خەرجی موەلیدەی ستییەکان ئامادەکراوە نرخی کیلۆوات ئاوەڕێک کارەباى موەلیدەى ستییەکان بۆ ئەم مانگە بریتییە لە (252) دینار".

باس له‌وه‌شكراوه‌ "پێویستیشە سەرجەم ستییەکانی سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە".

ع،ه