مه‌ودا میدیا-

سەرۆک کۆماری عیراق، پێشنیازی كردووه‌ به‌ تەرخانکردنی ژمارەیەکی دیاریکراو کورسی، بۆ پێکهاتەکان و کریستیانەكانی هەرێمیش داوا دەکەن، پێنج كورسییەکەی خۆیان بەپێی سیستەمی كۆتا لە پەرلەمانی كوردستان، بۆ بگەڕێندرێتەوە".

لـەتیف رەشید، سەرۆک کۆماری عیراق پێشنیازی بۆ دادگای فیدراڵیی کردووە کە پێداچوونەوە بكات به‌ بڕیاری هەڵوەشاندنەوەی کورسیی کۆتای پێکهاتەکان لە پەرلەمانی کوردستان، ته‌نانه‌ت ئەگەر ژمارەی کورسییەکانیان وەک خۆی لێنەکرێتەوە ئەوا پێویستە ژمارەیەکی دیاریکراویان بۆ  تەرخان بکرێت.

یونادم یوسف كەنا، سەرۆکی پارتی بزوتنەوەی دیموكراتیی ئاشووری ورایگه‌یاند "کریستیانەكانی هەرێمی كوردستان داوا دەکەن، پێنج كورسییەکەی خۆیان بەپێی سیستەمی كۆتا لە پەرلەمانی كوردستان، بۆ بگەڕێندرێتەوە".

ده‌شڵێت "له‌و باره‌یه‌شه‌وه‌ داوایان لە دادگای فیدراڵیی عیراق کردووە لە پرسی كورسی كۆتا لە ئەرمەن و توركمان جیا بكرێنەوە و هبه‌ هه‌مان شێوه‌ى عیراق، مامەڵەمان لەگەڵدا بكرێت".

پ ح ع