مەودا میدیا-

درەنگانی شەوی رابردوو چەكدارانی داعش لە سنوری خانەقین هێرشێكیان كردە سەر چەكدارانی حەشدی شەعبی و كوژراو بریندار هەیە.

بەپێی زانیارییەكان، چەكدارەكانی داعش هێرشیان بۆ سەر نەفتخانە لە خانەقین كردووە و لە ئەنجامدا چەكدارێكی حەشد كوژراوە و دوانی تر برینداربوون.

رووبەڕووبوونەوەی توند لە نێوان چەكدارانی داعش و حەشدی شەعبی روویداوەو بەهۆیەوە چەكدارێكی داعش كوژراوە و بریندارەكانی حەشد بۆ نەخۆشخانە گوازراونەتەوە.

ناوە ناوە چەكدارانی داعش لە سنوری جەلەولا و خانەقین و خورماتوو و كەركوك هێرش دەكەنە سەر حەشدی شەعبی و پۆلیسی فیدراڵی عیراق.