مەودا میدیا-
دواجار وەزارەتی دارایی عیراق لە بارەی مووچەی فەرمانبەرانی هەرێمی كوردستانەوە بێدەنگی شكاند و هۆكاری نەناردنی مووچەی بۆ رادەستنەكردنی داهات لەلایەن حكومەتی هەرێم و تەوتین نەكردنی مووچە گەڕاندەوە.

سەرچاوەیەك لە وەزارەتی دارایی عیراق رایگەیاند"پارەی كاش بۆ ناردنی مووچەی فەرمانبەرانی هەرێمی كوردستان ئامادەیە و ناردنی پارەكەش لەسەر تەوتین و رادەستكردنی داهات وەستاوە، چونكە تا ئیستا حكومەتی هەرێم ئامادەنییە داهات رادەستی بەغدا بكات".

وتیشی"ماوەی زیاتر لە 10 رۆژە وردبینیی لە لیستی مووچەی فەرمانبەرانی هەرێمی كوردستان تەواوبووە و پارەی كاشیش ئامادەیە، هۆكاری دواكەوتنی مووچەش تەنها حكومەتی هەرێمە، چونكە ئامادەنییە داهاتی ناوخۆ رادەستی وەزارەتی دارایی عیراق بكات".
ئ.پ