مه‌ودا میدیا-

هەواڵگری سەربازیی عیراق، ده‌ستده‌گرن به‌ سه‌ر توونێلێکی 200 مەتری چەکدارانی داعش لە تەلەعفەر كه‌ به‌كاریان هێناوه‌ بۆ هێرشه‌كانیان بۆ سەر هێزە عیراقییەکان.
 
شانەی راگەیاندنی ئەمنیی عیراق ئاماژه‌ى به‌وه‌كرد "بەڕێوەبەرایەتیی هەواڵگری سەربازیی، دەستیان بەسەر توونێلێکدا گرت کە درێژییەکەی 200 مەتر دەبێت".

راشیگه‌یاندووه‌ "چەکدارانی داعش ئەو توونێلەیان وەک بارەگایەکی سەرەکی بەکارهێناوە بۆ هێرشە تیرۆریستییەکانیان لە دەوروبەری گوندی کەسەر میحراب سەر بە قەزای تەلەعفەر لە پارێزگای نەینەوا".

هاوكات، هەر ئەمڕۆ لە دوو ئۆپەراسیۆنی جیا لە پارێزگای نەینەوا، توانرا تۆڕێکی سەر بە رێکخراوی داعش لە شاری مووسڵ هەڵوەشێنرێتەوە و ئەندامەکانی کە چوار کەس بوون دەستگیر بكرێن.

پ ح ع