مه‌ودا میدیا-

به‌ڕێوه‌به‌رى گشتى بازرگانى هه‌رێم رایده‌گه‌یه‌نێت، به‌شه‌خۆراكى مانگى چوارى هاوڵاتییانى هه‌رێمى كوردستان گه‌یشتووه‌ و له‌ داهاتوویه‌كى نزیكدا ده‌ست به‌دابه‌شكردن ده‌كرێت.

نه‌وزاد شێخ كامیل، به‌ڕێوه‌به‌رى گشتى بازرگانى هه‌رێم به‌ مه‌ودا میدیاى راگه‌یاند "تائێستا دابه‌شكردنى به‌شه‌خۆراكى مانگى سێ ته‌واونه‌بووه‌ و له‌ چه‌ند ناوچه‌یه‌ك پرۆسه‌كه‌ كه‌مێك دواكه‌وت و به‌رده‌وام دابه‌شكردن هه‌یه‌".

وتیشى "به‌شه‌خۆراكى مانگى چوار گه‌یشتووه‌ و رۆژانه‌ش مادده‌كانى به‌شه‌خۆراك له‌به‌غداوه‌ ده‌گاته‌ كۆگاكانى هه‌رێمى كوردستان".

باسى له‌وه‌شكرد "له‌گه‌ڵ ته‌واوبوونى به‌شه‌خۆراكى مانگى سێ له‌ هه‌موو ناوچه‌كان، ده‌ست به‌ دابه‌شكردنى به‌شه‌خۆراكى مانگى چوار ده‌كه‌ین".

ع،ه