مه‌ودا میدیا-

به‌ پێى وته‌ى ئه‌ندامێكى لیژنه‌ى دارایی په‌رله‌مانى عیراق، پێش كۆتاییهاتنی وەرزی یاسادانان، لیژنەی دارایی كارەكانی بۆ پێداچوونەوە بە خشتەی بودجە دەستپێدەكات".

د.نەرمین مەعرووف، ئەندامی لیژنەی دارایی له‌ په‌رله‌مانى عیراق رایگه‌یاند "خشتەی بودجەی ساڵی 2024، بۆ پەسەندكردنی گەیشتووەتە ئەنجومەنی نوێنەران، و لە ئەمڕۆوە بۆ پێداچوونەوە بە خشتەكانی داهات و خەرجییەكانی خشتەی بوودجە، لیژنەی دارایی كارەكانی دەستپێدەكات".

وتیشى "پێش كۆتاییهاتنی ئەم وەرزەی یاسادانان كاره‌كان، بۆ ئاماده‌كاركردنى پەسەندكردنی لە ئەنجومەنی نوێنەران، ئه‌نجام ده‌ده‌ین".

راشیگه‌یاند "بۆ ئەمساڵ نزیكەی 210 تریلیۆن دینار قەبارەی بودجەیه‌ و 12 تریلیۆن دینار لە بودجەی ساڵی رابردوو گەورەترە".

ئه‌وه‌شى وت "داهاتی نەوتی و نانەوتی بە 144 ترلیۆن دینار خەمڵێنراوە و بڕی كورتهێنانیش 66 ترلیۆن دینارە كە دەكاتە نزیكەی 31٪ی بودجە".

پ ح ع