مەودا میدیا-
دوای كردنەوەی بازاڕی هەفتانە، بەرەبەیانی ئەمڕۆ دووشەممە لە بازاڕەكانی ئاسیا نرخی نەوت بەرزبووەوە. 
 
هۆكاری بەرزبوونەوەی نرخی نەوت ئەوەیە كە بازرگانان و وەبەرهێنەران چاوەڕێی كۆبوونەوەی رۆژی 2ی مانگی داهاتووی ئۆپێك پڵەس دەكەن، چونكە24 وڵاتی بەرهەمهێنەری نەوت دەیانەوێت گۆڕانكاری لە سیاسەتی بەرهەمهێنان و خستنەڕووی نەوتی خخۆیان بكەن. 
 
بەیانی ئەمڕۆ نرخی یەك بەرمیل نەوتی برێنتی دەریای بەرزبووەوە بۆ 82 دۆلار و 23 سەنت، نرخی نەوتی سووكی تەكساسی ئەمریكاش بەرزبووەوە بۆ 77 دۆلار و 85 سەنت.
 
لە لایەكی تریشەوە رێكخراوی ئۆپێك رایگەیاندووە، كۆبوونەوەی ئەمجارەیان رۆژی 2ی مانگی شەش لە رێگەی ئۆنلاینەوە ئەنجام دەدەن و بڕیار لەسەر ئەو بڕە نەوتە دەدەن كە تاوەكو كۆتایی ئەم ساڵ دەیخەنەڕوو. 
 ئ.پ