مه‌ودا میدیا-

وه‌زاره‌تى دارایی حكومه‌تى هه‌رێمى كوردستان ناوى زیاتر له‌ 13 هه‌زار كه‌سى له‌ خاوه‌ن پێداویستییه‌ تایبه‌ته‌كان ره‌وانه‌ى وه‌زاره‌تى دارایی عیراق كرد.

ئه‌مڕۆ یه‌كشه‌ممه‌، ئاوات شێخ جه‌ناب، وه‌زیرى دارایی هه‌رێم ناوى 13 هه‌زار و 120 كه‌سى له‌ خاوه‌ن پێداویستییه‌ تایبه‌ته‌كان ره‌وانه‌ى وه‌زاره‌تى دارایی عیراق كرد.

سه‌نگه‌ر عوسمان، جێگرى سه‌رۆكى كۆمه‌ڵه‌ى خاوه‌ن پێداویستییه‌ تایبه‌ته‌كان به‌ مه‌ودا میدیاى راگه‌یاند "ئه‌و كه‌سانه‌ى كه‌ ره‌وانه‌ى به‌غدا كراون له‌ خاوه‌ن پێداویستییه‌ تایبه‌ته‌كان، ئه‌وه‌ ئه‌وانه‌ن كه‌ نوێن و تۆماركراون".

وتیشى "هیوادارین كاریان بۆ بكرێت و ناویان به‌ فه‌رمى بۆ هاوكارى مانگانه‌ تۆمار بكرێت".

ع،ه