مەودا میدیا-
یەكێك لە دامەزراوە گەورەكانی بواری بانكی و دارایی جیهان پێشبینیدەكات گۆڕانكاری گەورە لە نرخی نەوتدا رووبدات و لە وەرزی هاویندا نرخی بەرمیلێك نەوتی برێنت بەرزببێتەوە بۆ 86 دۆلار.  

كۆمپانیای گۆڵدمان ساكس لە راپۆرتێكدا پێشبینی ئەوەی كردووە، نرخی بەرمیلێك نەوتی برێنت لە وەرزی هاوینی ئەمساڵدا بگاتە 86 دۆلار بەهۆی بەرزبوونەوەی ئاستی خواست لەسەری. 

گۆڵدمان ساكس، ناوەندێكی گەورەی خزمەتگوزاری دارایی و وەبەرهێنانی ئەمریكییە كە بە یەكێك لە بەناوبانگترین دامەزراوە بانكییەكانی ئەمریكا و جیهان دادەنرێت. 

ئەوەش لە كاتێكدایە ئەمڕۆ دووشەممە نرخی بەرمیلێك نەوتی خاوی برێنت 16 سەنت بەرزبووەوە و گەیشتە 79 دۆلار و 78 سەنت.
ئ.پ