مه‌ودا میدیا-

زاهید مه‌حموود، باوكى شه‌هید سوركێو، یه‌كێك له‌ شه‌هیدانى خۆپیشاندانه‌كانى 17ى شوبات و رۆژانى دوایی، به‌هۆى نه‌خۆشیه‌وه‌ كۆچیدوایی كرد.

ناوبراو هه‌تا ئه‌و كاته‌ى كۆچیدوایی كرد، به‌ ئاواتى ئه‌وه‌بوو رۆژێك بێت و بكوژانى كوڕه‌كه‌ى به‌ سزاى یاسایی خۆیان بگه‌ن.

هه‌موو ساڵێك له‌گه‌ڵ خێزان و منداڵه‌كانى ده‌چوونه‌ سه‌ر گۆڕه‌كه‌ى شه‌هید سوركێو فرمێسكى نائومێدییان ده‌ڕشت چونكه‌ دواى چه‌ندین ساڵ نه‌توانرا بكوژانى كوڕه‌كه‌ى به‌ سزای خۆیان بگه‌ن.

شێخ زاهید له‌ هه‌موو خۆپیشاندان و ناڕه‌زایه‌تییه‌ك وه‌ك چالاكێكى مه‌ده‌نى رۆڵى هه‌بوو، به‌رده‌وام داواى مافى خه‌ڵكى ده‌كرد و چالاكێكى دیاربوو.