مەودا میدیا-

ئه‌نجومه‌نی باڵای دادوه‌ری عیراق بڕیاریدا بڕیاری ئازادکردنی ژمارەیەک زیندانی دا بەمەبەستی رێگریکردن و خۆپارێزی لە بڵاوبوونەوەی ڤایرۆسی کۆرۆنا.

ئه‌نجومه‌نی باڵای دادوه‌ری عیراق له‌ به‌یاننامه‌یه‌كدا رایگه‌یاند "دادگاكانی تاوان و كه‌تن و لێكۆڵینه‌وه‌ له‌ سه‌رۆكایه‌تی دادگای تێهه‌ڵچوونه‌وه‌ی فیدراڵی كه‌رخ بڕیاریانداوه‌ 608 تۆمه‌تبار و سزادراو ئازاد بكه‌ن ئه‌مه‌ش وه‌ك رێككارێكی خۆپارێزی و بۆ به‌رگرتنه‌ له‌ بڵاوبوونه‌وه‌ی زیاتری ڤایرۆسی كۆرۆنا".

ئاماژە بەوەشکراوە "دادگای لێكۆڵینه‌وه‌ له‌ پارێزگای به‌سره‌ 142 ده‌ستبه‌سه‌ری به‌ كه‌فاله‌ت ئازاد كردووه‌، كه‌ دۆسییه‌كه‌یان له‌ قۆناغی لێكۆڵینه‌وه‌ بووه‌ و 15 تۆمه‌تباریشیان دۆسییه‌كه‌یان له‌ قۆناغی دادگاییكردندا بووه‌".