مەودا میدیا-
12 كۆچبەری كوردی خەڵكی رۆژئاوای كوردستان لە كاتی هەوڵدان بۆ گەیشتن بە ئەوروپا، دوای تێكچوونی ئۆتۆمبیلەكەیان لە بیابانی جەزائیر بەهۆی تینوێتییەوە گیانیانلەدەستدا.

كۆمەڵەی گەڕان و فریاگوزاری لە جەزائیر لە بەیاننامەیەكدا رایگەیاند "ئۆتۆمبیلێكی جۆری تۆیۆتا لە ناوچەی حەسی-بێلفور لە بیابانەكانی جەزائیر دۆزراوەتەوە كە ژمارەیەك تەرمی لە تەنیشت بووە".

كۆمەڵەكە ئاماژه‌ی بۆ ئەوەشكردووە "لە رۆژی سێشەممەی هەفتەی رابردووەوە بێسەروشوێنبوونی ئەو ئۆتۆمبێلەیان راگەیاندووە و لەو كاتەوە بەدوایدا دەگەڕێن". 

 هەوڵی كۆچكردنی هاوڵاتیانی كوردی رۆژئاوای كوردستان بۆ گەیشتن بە كیشوەری ئەوروپا لە رێگەی باكوری ئەفریقاوە، بۆ دەربازبوونە لە شەڕ و تێكچوونی بارودۆخی ئەمنی و ئابوری ناوچەكە بە تایبەت وڵاتی سوریا. 
ئ.پ
  

.