مه‌ودا میدیا-

ئه‌مڕۆ سێشه‌ممه‌ 9ى ته‌ممووزى 2024، به‌ڕێوه‌به‌رایه‌تیی ئاوی كۆیه راگرتنى پڕۆژه‌ی ئاوی نێوان ته‌قته‌ق - كۆیهى راگه‌یاند و هۆكاره‌كه‌شى بۆ چەند گرفتێک گه‌ڕانده‌وه‌.

لە راگەیەندراوێکدا به‌ڕێوه‌به‌رایه‌تیی ئاوی كۆیه‌ ئاشكرایكردووه‌ "لە كاتژمێر حەوت و 30 خوله‌كی به‌یانی ئه‌مڕۆ پڕۆژه‌ی ئاوی نێوان ته‌ق ته‌ق - كۆیه‌ راگیرا".

روونیشى كردووه‌ته‌وه‌ "هۆکاری راگرتنی پڕۆژەکە دەگەڕێتەوە بۆ لێكترازانی بۆری 18 ئینجی لە نزیك ته‌قته‌ق، كه‌ بە هۆیەوە پڕۆسەی دابەشکردنی ئاوی خواردنەوە وەستێنراوە".

ئه‌وه‌ش هاتووه‌ "تیمه‌كانمان سه‌رقاڵی چاككردنه‌وه‌ن تاوەکو به‌ زووترین كات بتوانن گرفتەکە چارەسەر بکەن و ئاو بگاتەوە‌ شاری كۆیه‌".

پ ح ع