مه‌ودا میدیا-

به‌ڕێوه‌به‌رایه‌تیی گشتیی كه‌شناسیی و بومه‌له‌رزه‌زانیی هه‌رێمی كوردستان پێشبینییه‌كانى كه‌شوهه‌واى بۆ ئه‌مڕۆ و سبه‌ینێ چوارشه‌ممه‌ بڵاوكرده‌وه‌ و به‌پێ پێشبینییه‌كانیش پله‌كانی گه‌رما له‌م دوو رۆژه‌دا به‌رزتر ده‌بێته‌وه‌.

له‌ راگه‌یه‌ندراوێكدا به‌ڕێوه‌به‌رایه‌تییه‌كه‌ رایگه‌یاندووه‌ "ئه‌مڕۆ سێشه‌ممه‌ كه‌شی ناوچه‌ جیاجیاكانی هه‌رێم، ئاسمان ساماڵ و پله‌كانی گه‌رماش به‌راورد به‌ تۆماركراوه‌كانی دوێنێ روو له‌به‌رزبوونه‌وه‌ ده‌كه‌ن".

راشیگه‌یاندووه‌ "سبه‌ی چوارشه‌ممه‌ كه‌شی ناوچه‌كانی هه‌رێم، ئاسمان ساماڵ و په‌ڵه‌ هه‌ور ده‌بێت، له‌هه‌مانكاتیشدا جارێكی دیكه‌ پله‌كانی گه‌رما به‌ رێژه‌ی 1-2 پله‌ به‌ تۆماركراوه‌كانی ئه‌مڕۆ به‌رزتر ده‌بنه‌وه‌ و خێرایی با له‌نێوان 15-20 كیلۆمه‌تر له‌كاتژمێرێكدا ده‌بێت".

به‌رزترین پله‌كانی گه‌رمای پێشبینیكراو به‌ پله‌ی سیلیزی:

هه‌ولێر: 43 
 
سلێمانی: 41 

دهۆك: 42  

كه‌ركوك: 47

هه‌ڵه‌بجه‌: 43 

زاخۆ: 42  

سۆران: 42

حاجی ئۆمه‌ران: 31

گه‌رمیان: 47

پ ح ع