مه‌ودا میدیا-

ئه‌ندامێكى خولى پێنجه‌مى په‌رله‌مانى كوردستان رایده‌گه‌یه‌نێت، لیستى مووچه‌ى هێزه‌ ئه‌منییه‌كان و پێشمه‌رگه‌ پڕن له‌ ناوى نایاسایی كه‌ خه‌ڵكى ناوه‌وه‌ و ده‌ره‌وه‌ى هه‌رێمیشى تێدایه‌.

شێركۆ جه‌وده‌ت، ئه‌ندامى خولى پێنجه‌مى په‌رله‌مانى كوردستان به‌ مه‌ودا میدیاى راگه‌یاند "گرفتى دواكه‌وتنى مووچه‌ى هێزه‌ ئه‌منییه‌كان بۆ بوونى ناوێكى زۆرى نایاسایی ده‌گه‌ڕێته‌وه‌".

وتیشى "لیستى هێزه‌ ئه‌منییه‌كان  و پێشمه‌رگه‌ش پڕن له‌ ناوى كه‌سانێك كه‌ هیچكات رۆژێك له‌ ناو هێزه‌ ئه‌منییه‌كان نه‌بوون و مووچه‌یه‌كى زۆر وه‌رده‌گرن".

باسى له‌وه‌شكرد "خه‌ڵكى ناوه‌وه‌ و ده‌ره‌وه‌ى هه‌رێمیشى تێدایه‌ كراون به‌ مووچه‌خۆر و مانگه‌ مووچه‌یه‌كى زۆر وه‌رده‌گرن بۆیه‌ به‌غدا مووچه‌ى هێزه‌ ئه‌منییه‌كان نانێرێت و دواى وردبینى كردووه‌".

ع