مه‌ودا میدیا-

جێگری کاروباری نێودەوڵەتی دەسەڵاتی دادى ئێران رایگه‌یاند، 120 کەس لە به‌رپرسانى هێزه‌ كوردییه‌كانى رۆژهه‌ڵات له‌ لايەن عیراقەوە راده‌ستى ئێران ده‌كرێنه‌وه‌.

 کازم غەریب ئابادی، جێگری کاروباری نێودەوڵەتی دەسەڵاتی دادى ئێران رایگەیاند "تا کۆتایی ئەمساڵ بۆ سەرجەم گرووپە دژه‌كانى سه‌ر به‌ ئێران دۆسیە پێک دێت و رادەست کرندەوەیان لە وڵاتانی دەرەکییەوە داوا دەکرێت و هەنگاوی دواتریشی لێپرسینەوە دەبێت".

باسى له‌وه‌شكرد "ناوی نزیکه‌ى 120 کەس لە كه‌سانه‌ى كه‌ سه‌ر به‌ هێزه‌ كوردییه‌كانى رۆژهه‌ڵاتن بۆ رادەست کردنەوەی دراوەتە عیراق و بەزوویی لێپرسینەوەیان بەڕێوە دەچێت".

له‌ ماوه‌ى رابردوو ئێران له‌ رێگه‌ى عیراقه‌وه‌ فشارى كرده‌ سه‌ر هه‌رێمى كوردستان و حزبه‌ كوردییه‌كانى رۆژهه‌ڵاتى كوردستان چه‌ككران.

ع