مه‌ودا میدیا-

له‌ گشتاندنێكى به‌ڕێوه‌به‌رایه‌تى گشتى په‌روه‌رده‌ى پارێزگاى سلێمانى هاتووه‌، قه‌ره‌بووى ئه‌و چه‌ند مانگه‌ ده‌كرێته‌وه‌ كه‌ بایكۆتكرا له‌ سنوره‌كه‌.

په‌روه‌رده‌ى گشتى سلێمانى بڵاویكرده‌وه‌ "سه‌رجه‌م په‌روه‌رده‌كانى سنوره‌كه‌ ئاگادار ده‌كه‌ینه‌وه‌، به‌هۆى ئه‌وه‌ى ئه‌مساڵ له‌ ناوه‌نده‌كانى خوێندن وانه‌كان وه‌ك پێویست نه‌وتراونه‌ته‌وه‌ و پرۆگرام ته‌واو نه‌كراوه‌، قه‌ره‌بووى ئه‌و ماوه‌یه‌ ده‌كرێته‌وه‌".

باس له‌وه‌شكراوه‌ "له‌سه‌ر ئه‌ركى وه‌زاره‌تى په‌روه‌رده‌ خولى به‌هێزكردن ده‌كرێته‌وه‌ بۆ ماوه‌ى یه‌ك مانگ"

ئه‌وه‌ش خراوه‌ته‌ڕوو "له‌ 3ى ئاب خوله‌كه‌ ده‌كرێته‌وه‌ و له‌ كۆتایی هه‌مان مانگ كۆتایی پێدێت".