کوردستانی
سلێمانى: فیستیڤاڵێكى پڕ له چالاكى هونهریى و شادیبهخش بهڕێوهدهچێت
مەودا میدیا - سلێمانی |
![سلێمانى: فیستیڤاڵێكى پڕ له چالاكى هونهریى و شادیبهخش بهڕێوهدهچێت](/uploads/article/thumbnail/38844/slider_452318792_470449899172858_6852446299102378588_n.jpg)
مهودا میدیا-
فستیڤاڵێكى پڕ له چالاكى هونهریى و شادیبهخش بۆ ماوەى پێنج رۆژ له سهیرانگاى سهرچنار بهڕێوهدهچێت، كه له لایهن كۆمهڵێك هونهرمهندى میللی و به پاڵپشتى بهڕێوهبهرایهتیى گشتیی گەشتوگوزارى سلێمانى رێكخراوه.
جهزاى ساز، سهرۆكى گشتیى كۆمهڵهى هونهرى میللى كوردستان بۆ مهودا میدیا رایگهیاند "به ناونیشانى فستیڤاڵی چلهى هاوینه كه بیرۆكهى كۆمهڵێك هونهرمهندى میللییه و بهڕێوهبهرایهتیى گشتیی گەشتوگوزارى سلێمانى پشتیوانییان دهكات، چهند چالاكییهكی گۆرانى و میوزیك و ههڵپهڕكێ و پێشانگاى كارى دهستی و خواردنى كوردهواریی و چالاكى تایبهت به منداڵان ئهنجام دهدهن".
وتیشى "ئامانجیان دوورخستنهوهى هاوڵاتییانه له جهنجاڵى ژیان و ههواڵى رۆژ كه حاڵهتێكى دهروونى ناخۆشى لاى تاك دروستكردووه و دهیانهوێت خهڵك بهێننه دهرهوه و له كهشێكى هاوینه و فێنكدا چێژ ببینن له نمایشى چالاكییه جۆر به جۆرهكانیان".
جهزاى ساز، ئاماژهى بهوهشكرد "لهبهر ئهوهى شوێنى فستیڤاڵهكهیان گهشتیارییه، پێشبینی دهكهن گهشتیارێكى زۆر بێته فستیڤاڵهكهیان و مهبهستیشیانه گهشتیاران ئاشنا بكهن به كلتوور و هونهرى نهتهوهی كورد".
زیاتر وتى "رۆژانه بۆ ماوهى پێنج رۆژ له كاتژمێر شهشى ئێواره بۆ 12ى شهو، له چالاكییهكانیان بهردهوام دهبن".
پ ح ع
بیروڕا
![News](/uploads/author/picture/81/resized_3333.png)
![News](/uploads/author/picture/13/resized_IMG-20200119-WA0001.jpg)
![News](/uploads/author/picture/112/resized_resized_dbc12a4b-1162-4309-b3c0-d1dc63caf9d5.png)
![News](/uploads/author/picture/13/resized_IMG-20200119-WA0001.jpg)