مه‌ودا میدیا-

هه‌ر یه‌كه‌ له‌ سوپای تورکیا و هەپەگە، سه‌باره‌ت به‌ شەڕ و پێکدادانەکانیان له‌ هەفتەی رابردوودا لە ناو خاكى هەرێم،  ئاماره‌كانیان بڵاوکردەوە و كوژرانى چه‌ند ئه‌ندامێكى هه‌په‌گه‌ و سه‌ربازى توركیا له‌ لایه‌ن یه‌كترییه‌وه‌ خراوه‌ته‌ڕوو.

وەزارەتی بەرگریی تورکیا بڵاوی كردووه‌ته‌وه‌ "28 ئەندامی پەکەکە بەهۆی هێرشەکانی سوپای تورکیا و پێکدادانەکانەوە ته‌نها لە ماوەی هەفتەی رابردوودا، لە هەرێمی کوردستان گیانیان لەدەستداوە".

هه‌روه‌ها له‌ راگەیەندراوەکانی ناوەندی چاپەمەنی و راگەیاندنی هێزەکانی پاراستنی گەل (هەپەگە)شدا هاتووه‌ "لە هەفتەی رابردوودا چەند جارێک هێرشیانکردووەتە سەر سوپای تورکیا لە هەرێمی کوردستان و لە ئەنجامدا نۆ سەربازی سوپای تورکیا کوژراون".

پ ح ع