مةودا ميديا-

به‌بۆنه‌ى ساڵیادی دامەزراندنی بزووتنەوەی گۆڕان، مەکتەبی سیاسیی یەکێتیی نیشتمانیی کوردستان پەیامێک ئاڕاستەى بزووتنه‌وه‌كه‌ دەکات و وێڕای پیرۆزباییان، رایدەگەیەنێت "لەگەڵ نزیكبوونەوەی هەڵبژاردنی پەرلەمان جەخت لە هاوبەشی و پێكەوەیی هەموو  هێز و لایەنە سیاسییەكان دەكەینەوە و پێمان وایە ئەمە ئامانجی هەموو هێزە دەربەستەکانی کوردستانە".

دەقی پەیامەکە:

بەڕێزان سەركردایەتی و هەڵسوڕاوانی بزووتنەوەی گۆڕان

لەساڵیادی دامەزراندنی بزووتنەوەی گۆڕان پیرۆزبایی گەرمتان ئاڕاستەى خۆتان و هەڵسوڕاو و لایەنگرانتان دەكەین و هیوای سەركەوتنتان  بۆ دەخوازین.

ساڵیادی دامەزراندنی بزووتنەوەکەتان هاوكاتە لەگەڵ نزیكبوونەوەی هەڵبژاردنی پەرلەمان كە خەڵكی كوردستان ئومێدی گەورەیان لەسەر هەڵچنیوە بۆ راستكردنەوەی رێڕەوی حوكمرانیی و خزمەتى زیاتری كۆمەڵانی خەڵكی كوردستان کە پێمان وایە ئەمە ئامانجی هەموو هێزە دەربەستەکانی کوردستانە.

لەكۆتاییدا جەخت لە هاوبەشی و پێكەوەیی هەموو  هێز و لایەنە سیاسیيەكان دەكەینەوە، بە ئاڕاستەی بەرەنگاربوونەوەی ئەلنگارییەكان و پاراستنی قەوارەی هەرێمی كوردستان و پەرەپێدانی.

جارێکی تر پیرۆزە
مەکتەبی سیاسیی
یەکێتیی نیشتمانیی کوردستان

پ ح ع