مه‌ودا میدیا-

شەوی رابردوو تورکیا بۆردوومانی گوندی گەڵاڵەى كرد لە سنووری ماوەت، به‌و هۆیه‌وه‌ ئاگر کەوتووه‌ته‌وە و تاوەکو ئێستا کۆنتڕۆڵ نەکراوە.

عەلی مەحمود، ئەنجومەنی گوندی گەڵاڵە ئاشكرایكرد "به‌هۆى ئه‌وه‌ى شەوی رابردوو گونده‌كه‌یان لە سنووری ماوەت بۆردوومانکرا، ئاگر کەوتووەته‌وە و تاوەکو ئێستا کۆنتڕۆڵ نەکراوە".

وتیشى "خەڵکه‌كه‌ لە هەوڵی کۆنترۆڵكردنى ئاگره‌كه‌دان".

هاوکات، کامەران حەسەن، قائیمقامی قەزای ماوەت ئاماژه‌ى به‌وه‌كرد "به‌ مه‌به‌ستى کۆنتڕۆڵکردنی ئه‌و ئاگره‌، تیمەکانی بەرگریی شارستانی رەوانەی ناوچەکە کراون".

پ ح ع