مەودا میدیا-

سه‌رۆك وه‌زیرانی کاربەڕێکەری عیراق رایده‌گه‌یه‌نێـت دۆخی عیراق به‌راورد به‌ وڵاتانی دیكه‌ی جیهان له‌ رووی كۆنتڕۆڵكردنی كۆرۆنا و قه‌ده‌غه‌ی هاتووچۆ‌ باشتره‌.

عادل عه‌بدولمه‌هدی، سه‌رۆك وه‌زیرانی كابه‌ڕێكه‌ری عیراق سه‌رۆكایه‌تی كۆبوونه‌وه‌یه‌كی ئه‌نجومه‌نی نیشتمانی ئاسایشی عیراقی ئەنجامدا و نوسینگه‌ی راگه‌یاندنی سه‌رۆك وه‌زیرانی عیراق راگەیاندراوێکی لەبارەی کۆبوونەوەکە بڵاوکردەوە.

 بەپێی راگەیاندراوەکە عادل عەبدولمەهدی رایگه‌یاندووه‌ "دۆخی ته‌ندروستی و قه‌ده‌غه‌ی هاتووچۆ له‌ عیراق به‌راورد به‌ وڵاتانی دیكه‌ باشتره‌، وێرای ئه‌وه‌ی كه‌ عیراق رووبه‌ڕووی چه‌ندین كێشه‌ی سیاسی و ئابووری و تیرۆر بووه‌ته‌وه‌".

سه‌رۆك وه‌زیرانی کاربەڕێکەری عیراق لە کۆبوونەوەکەدا لەبارەی دۆخی عیراق هۆشداری داوە له‌ قۆستنه‌وه‌ی دۆخه‌كه‌ بۆ مه‌به‌ستی شڵه‌ژاندن و ئاڵۆزتركردنی عیراق.