مه‌ودا میدیا-

نرخى مریشكى زیندوو له‌ بازاڕه‌كاندا هه‌رزانبووه‌ و مریشكفرۆشێكیش ده‌ڵێت، هۆكاره‌كه‌ى زۆرى مرشكه‌ له‌ هۆڵه‌كانى به‌خێوكردنى مریشك.

رێژین قادر، مریشكفرۆش به‌ مه‌ودا میدیاى راگه‌یاند "نرخى مریشكى زیندوو له‌ هۆڵه‌كان كیلۆى به‌ 2100 بۆ 2200 دیناره‌، نرخه‌كه‌ى زۆر هه‌رزانبووه‌ و كاریگه‌ریشى له‌سه‌ر خاوه‌ن كێڵگه‌كان دروستكردووه‌".

وتیشى "هه‌رزانبوونى مریشك بۆ ئه‌وه‌ ده‌گه‌ڕێته‌وه‌ مریشكێكى زۆر له‌ناو هۆڵه‌كان هه‌یه‌ و خواستیش نییه‌، یه‌ك كیلۆ له‌ دووكانه‌كان به‌ 2400 تا 2500 دینار ده‌گاته‌ ده‌ستى هاوڵاتییان".

ئه‌وه‌ش له‌كاتێكدایه‌ پێش چه‌ند رۆژێك حكومه‌تى عیراق رێگریكرد له‌وه‌ى مریشكى زیندوو له‌ شاره‌كانى هه‌رێمه‌وه‌ ببرێته‌ شاره‌كانى عیراق.

ع