مه‌ودا میدیا-

بەڕێوەبەرایەتی پۆلیسی دارستان و ژینگەی پارێزگای سلێمانی رایگه‌یاند، له‌ ئه‌نجامى ئاگرێكى فراوان لە گوندى کانى بی سەر بە قه‌زاه‌ى ماوەت لە سنوورى سلێمانى به‌هۆیه‌وه‌ ده‌یان دۆنم زه‌وى پوش و پاوان سوتاوه‌.

له‌ راگه‌یه‌ندراوه‌كه‌ى پۆلیسى دارستان و ژینگه‌ى سلێمانى هاتوو "بەهۆى ئاگرەکەوە 60 دۆنم لە پوش و پاوان و دارى سروستیى سووتان".

باس لەوەشکراوە "بە هاوکارى دانیشتووانى ناوچەکە و تیمەکانى ئاگرکوژێنەوە توانراوە ئاگرەکە کۆنتڕۆڵ بکرێت".

هێمن كه‌مه‌رخان، به‌رپرسى هۆبه‌ى راگه‌یاندنى پۆلیسى دارستان و ژینگه‌ى سلێمانى به‌ مه‌ودا میدیاى راگه‌یاند "به‌هۆى ئه‌و ئاگرانه‌وه‌ كه‌ ئه‌مساڵ كه‌وتوونه‌ته‌وه‌ له‌سنوره‌كه‌ ده‌یان هه‌زار دۆنم زه‌وى سوتاوه‌ و زیانێكى زۆریش به‌ ژینگه‌ و سروشتیی ناوچه‌كه‌ كه‌وتووه‌".

ع