مەودا میدیا- سارا نوری

گەورەترین پلانی تاقیکردنەوە بۆ تووشبووانی ڤایرۆسی کۆرۆنا لە سەرتاسەری کەنەدا دەکرێت بەپێی پلانەکە 12 زانای بواری نەخۆشی خوێن و ڤایرۆس بەشداریی تێدا دەکەن، ھەروەھا نزیکەی ھەزار نەخۆشیش بەشدارییان پێدەکرێت.

ھەر بەپێی پلانەکە لە 40 نەخۆشخانەی وڵاتەکە پرۆسەکە بەڕێوەدەچێت بە بەشداری و چاودێریی پسپوڕ و پزیشکەکانی زانکۆکانی مۆنتریال، ئۆتاوا،  تۆرۆنتۆ و ماکماستەر و زانکۆی کۆڵۆمبی بەریتانی.

ئەو تاقیکردنەوەی چارەسەرییە بە بەکارھێنانی پلازمای دەوڵەمەند بە دژە نەخۆشی (بەرگری) لە جەستەی نەخۆشانی چاکبووانی بەو نەخۆشییە وەردەگرن و بە دەرزی لەو نەخۆشانەی دەدەن کە ھێشتا چاکنەبوونەتەوە.