مه‌ودا میدیا-

بڕیاره‌ له‌م هه‌فته‌یه‌دا ده‌ست به‌ دابه‌شكردنى به‌شه‌خۆراكى مانگى هه‌شت بكرێت و چه‌ند مادده‌یه‌كیش زیادیان كردووه‌.

راژان مه‌نسور، بریكارى دابه‌شكردنى خۆراك به‌ مه‌ودا میدیاى راگه‌یاند "له‌م هه‌فته‌یه‌وه‌ ده‌ستكراوه‌ به‌ دابه‌شكردنى مادده‌كان به‌سه‌ر بریكاره‌كانى به‌شه‌خۆراك".

ئاماژه‌ى به‌وه‌شكرد "بۆ ئه‌م مانگه‌، جگه‌ له‌ مادده‌كانى پێشوو كه‌ رۆن و شه‌كر و برنج و دۆشاو و نیسكه‌، له‌تكه‌ نۆك و نۆك و ماشیش دابه‌ش ده‌كرێت".

وتیشى "له‌م هه‌فته‌یه‌وه‌ دابه‌شكردن ده‌ستپێده‌كات، سه‌رجه‌م مادده‌كان هاتوون و ته‌نها چاوه‌ڕێى ماشه‌كه‌ ده‌كه‌ین".

ع