مه‌ودا میدیا-

بڕى 30 هه‌زار دینار به‌ شێوه‌ی مانگانه‌ ده‌درێت به‌و خوێندكارانه‌ى خاوه‌ن پێداویستى تایبه‌تن و بەڕێوەبەری گشتیی چاودێریی و گەشەپێدانی کۆمەڵایەتی دهۆکیش رایده‌گه‌یه‌نێت "هاوكارییه‌كه‌ بۆ ماوه‌ى نۆ مانگ و وەک تاقیكردنه‌وه‌یه‌كه‌". 

د. شێرزاد حەمید، بەڕێوەبەری گشتیی چاودێریی و گەشەپێدانی کۆمەڵایەتی دهۆک بە ئاشكرایكردووه‌ "نزیکەی سێ هەزار خوێندكاری کەمئەندام و خاوەن پێداویستی تایبەت لەهەرێمی کوردستان بۆ ماوەی نۆ مانگ وەک تاقیكردنه‌وه‌ (تێست) مووچە وەردەگرن".

ئه‌وه‌شى خستووه‌ته‌ڕوو "هاوكارییه‌كه‌ به‌ شێوه‌ی مانگانه‌یه‌ و بڕى 30 هه‌زار دیناره‌ بۆ هه‌ر خوێندكارێك و و مووچەی سێ مانگیشیان به‌یه‌كه‌وه‌ پێده‌درێت".

روونیشیكردووه‌ته‌وه‌ "هاوکارییەکە لەلایەن حکومەتی هەرێم و بە هەماهەنگی رێکخراوی یونسێف دابینکراوە و تەنیا بۆ ئەو خوێندكارانەیە کە ناویان تومارکردووە لە بەڕێوەبەرایەتیی گشتیی چاودێریی و گەشەپێدانی کومەڵایەتی".

پ ح ع