مه‌ودا میدیا-

په‌رله‌مانتارێكى عیراق رایده‌گه‌یه‌نێت، هه‌ردوو لقى بانكى ره‌شید و رافیده‌ین له‌ هه‌رێمى كوردستان ده‌كرێنه‌وه‌.

غه‌ریب ئه‌حمه‌د، ئه‌ندامى په‌رله‌مانى عیراق له‌ فراكسیۆنى یه‌كێتیی نیشتمانیی كوردستان به‌ مه‌ودا میدیاى راگه‌یاند "له‌م هه‌فته‌یه‌دا كارى جدى و ته‌واو ده‌كه‌ین بۆ ئه‌وه‌ى دوو بانكه‌ فیدراڵییه‌كه‌ له‌ هه‌رێمى كوردستان لقیان بكه‌نه‌وه‌".

وتیشى "كارى خێرا و پێویست ده‌كه‌ین بۆ جوڵەكردنی رێكارەكانی هاتنی لقی بانكەكانی رەشید و رافیدەین بۆ هەولێر و سلێمانی".

باسى له‌وه‌شكرد "به‌كردنه‌وه‌ى لقى ئه‌و دوو بانكه‌ له‌ هه‌رێم، هه‌مان خزمه‌تگوزارى و ئیمتیازاتى فه‌رمانبه‌رانى عیراق، فه‌رمانبه‌رانى هه‌رێمیش ده‌گرێته‌وه‌".

ع